Болалар футболи. ЎФА Суперкубоги якунига етди. Натижалар билан танишинг

Суперкубок ўйинларида вилоят терма жамоалари ғолиблари, Республика академиялари ғолибларига қарши майдонга чиқмоқда. 2008 йиллар ўртасида ўтган дастлабки учрашувда Зайниддин Тожиев, Темур Жўраев мураббийлигидаги Тошкент терма жамоаси сурхондарёлик тенгқурларини ортиқча қийинчиликсиз мағлуб этди.

U-12. 2008

Тошкент - Сурхондарё 7:0

Голлар: А.Жўрабоев (дубл), Ж.Тўхтабоев, М.Хабибуллаев, А.Адхамов, М. Файзуллаев, Ш.Низамов

Иккинчи учрашувда Александр Хвостунов ва Жаҳонгир Усмонов устозлигидаги Тошкент-2007 терма жамоаси Наманганнинг худди шу ёш тоифасидаги терма жамоасини 3:0 ҳисобида мағлуб этди.

U-13. 2007 

Тошкент - Наманган 3:0 

Голлар: М.Неъматов(дубл), А.Муталов

Навбатдаги баҳсда Леонид Кошелев, Сергей Арсланов ва Ғулом Ҳалимтоев мураббийлигидаги Тошкент U-14 терма жамоаси Хоразм вакилларини 4:1 ҳисобида мағлубиятга учратди. 

U-14. 2006

Тошкент - Хоразм 4:1 

Гол: А.Саидов, О.Каримов, О.Болтаев, А.Абдуллаев - Д.Қурбанов

Сергей Арсланов (Тошкент U-14 терма жамоаси мураббийи): - Аввало ажойиб ташкилотчилик учун миннатдорчилик билдираман. Йигитлар ўзларидан яхши таассурот қолдира олишди. Фарғонада ўтган мусобақада ҳам биринчи ўринни эгаллаган эдик. Ўша турнирда ҳам ташкилотчилик юқори даражада бўлганди. Шогирдларим берилган кўрсатмаларни яхши бажаришди, бунинг учун уларга раҳмат айтаман. Биринчи бўлимда ҳаракатларимиз бироз қовушмади. Иккинчи бўлимда ўйинимиз янада очилди, ҳаракатларимиз ўхшади. Бу ғолиблик кейинги мусобақаларга яхшигина мотивация бера олади. 

Пандемия сабаб тайёргарликда узилиш бўлди. Августдан бошлаб руҳсат берилгач ҳозирликни кучайтирдик. Қўл остимда ёмон футболчилар жамланмаган. Биз ҳозирда футболчиларнинг ҳолатини яна бир бор кўздан кечириб олдик. Умуман бу ёшда кучли футболчилар кўплигини кўришимиз мумкин. Мақсадимиз яхши жамоани шакллантириш. 

Шоҳруҳ Эшанов мураббийлик қилаётган Андижон U-15 терма жамоаси Бахтиёр Нуралиев, Жамалиддин Раҳматуллаев устозлигидаги Тошкент U-15  терма жамоасини мағлуб этди ва бош совринга эга чиқди. 

U-15. 2005

Тошкент - Андижон   1:2

Голлар: Ҳ.Каримов, О.Абдумаликов, Ш. Бекматов

Шоҳруҳ Эшанов (Андижон U-15 терма жамоаси мураббийи) - Мусобақа ташкилот томонидан ажойиб тарзда ўтказилди. Бундай Суперкубок ўйини биринчи бор ташкил этилди. Мазкур учрашувга жуда яхши тайёргарлик кўрган эдик. Шогирдларимга катта раҳмат айтаман. Ғалаба қозондик ва Суперкубокни Андижонга олиб кетадиган бўлдик. Ҳакамлик, ташкилотчилик борасида муаммо бўлмади. Жамоаларнинг кейинги ўйинларига омад тилайман, Энг муҳими болалар ўз вилоятларига соғ ва саломат кетишмоқда. Жароҳатлар олишмади. Охирги беш дақиқаликда рақиб босимни оширди ва кўплаб ҳужумлар уюштирди. Шунга қарамасдан болалар ҳимояда яхши ҳаракат қилишди.

Фарғона вилояти – 2004. U-16

Фарғона ТЖ  - Фарғона ФММ 2:1

Голлар: О.Рахматов 3, Ф.Муҳаммадов 52, Н.Жўнашев 63

Дмитрий Ким, Алишер Базаров, Илдар Магдеев устозлик қилаётган Тошкент U-17 терма жамоаси Суперкубок баҳсида Андижон терма жамоаси билан тўқнаш келди. Муросасиз кечган учрашувнинг асосий бўлимида дуранг натижа билан якунланди. Пенальтилар сериясида омад андижонлик футболчиларга кулиб боқди 4:5. Якунда Андижон U-17 терма жамоаси ғолибликни қўлга киритди. 

U-17. 2003

Тошкент - Андижон 2:2

Голлар: Н.Отаёров, Ш.Умаров - Д.Тоиров, А.Оҳтоев