Бобур Зуҳриддинов: “Нефтчи” кутганимдан кўра, яхши ўйнади”
14 may 2016 20:31
News

Бобур Зуҳриддинов: “Нефтчи” кутганимдан кўра, яхши ўйнади”

“Нефтчи” – “Обод” (1:0) баҳсидан сўнг меҳмонлар мураббийи Бобур Зуҳриддинов ўз фикрлари билан ўртоқлашди.

- Қизиқарли ўйин бўлди. Бундай иродали баҳслар хар иккала жамоани янада кучли қилишига шубҳам йўқ. “Нефтчи” кутганимдан кўра, яхши ўйнади. Аввалги баҳсларни кўриб чиққандим. Бугун “Нефтчи” жамоаси олдинги учрашувларга қараганда, жиддийроқ ўйин намойиш этди. Рақибни табриклайман.

- Бугун “Обод” жамоаси вазиятлардан фойдалана олмаганини қандай изоҳлайсиз?
- Вазиятлардан фойдалана олмаслик муаммоси фақат бизда эмас. Бу муаммо жуда кўп жамоаларда мавжуд. Ҳужумларни самарали якунлаш борасида ишлаяпмиз. “Обод” – ёш жамоа. Уларга совуққонлик етишмаяпти.

- Натижа меҳмонлар учун ёмон бўлишига қарамай, яхши кайфиятда интервью беряпсиз. Ўйиндан тўлиқ қониқдизми?
- Бугун шогирдларим мен берган кўрсатмаларни 95 % аниқ бажарди. Фақат баъзи вазиятларда хато қилишди ва бу хатолар мағлубиятга сабаб бўлди. Тушкунликка тушиш йўқ. Кейинги ўйинларга тайёрланамиз

- Битти ўйинда 3 та пенальти. Буни қандай изоҳлайсиз?
- Бу ўйинни ўта муросасиз ўтганидек далолат беради. Жамоамизда ҳамма нарса етарли. Йигитларда ўйинга бўлган шижоат юқори. Фақат ғалаба кам холос, - деди “Обод” мураббийи.

“Нефтчи” матбуот хизмати.

Link :

Source : championat.asia

Receive latest football news directly on your phone. Subscribe for our Telegram channel!

Rating: +7