Блогерлардан тузилган "Амкал" жамоасида ўйнаётган, Тошкентда туғилган футболчи билан суҳбат. Ғулом Ҳайдар Ғуломовни бу интервьюга қандай алоқаси бор?

"Акмал" бу йилги Россия кубогида иштирок этди ва икки рақибдан устун келиб 1/64 финалга қадар етиб борди. Ҳаваскорлардан иборат жамоа учун ажойиб натижа. Ушбу жамоада ўзбекистонлик собиқ футболчи Олег Дражжук ҳам фаолият олиб бораётганидан эса кўпчилик хабардор бўлмаса керак. Биз у билан боғланиб ўзимизни қизиқтирган саволларни йўлладик.

- Олег, биринчи навбатда, Россия кубоги ўйинларидаги ғалабалар билан табриклайман. Бу қандай содир бўлди?
- Аввало табрик учун катта раҳмат. Биз Россия кубогида икки давра баҳсларини муваффақиятли якунладик. Биринчи ўйин биз учун қийинроқ бўлди, чунки жамоа тажрибалироқ эди (Россия кубоги 1/256 финали ўйинида "Амкал" "Зоркий"ни мағлуб этди (1:1, пенальтилар бўйича 8:7, - муаллиф). Аммо йўқотадиган нарсамиз йўқлиги сабабли, мусобақа билан хайрлашишни истамаймиз. Биздан мухлисларнинг умидлари катта эди. Шу боис иккинчи даврада бироз асабий ўйнадик.

- Умуман олганда, “Амкал” ва “2Drots” жамоаларининг Россия кубогидаги иштироки маълум бўлгач, қандай кайфият юзага келди? Ўзингизга бирон бир вазифа қўйганмисиз?
- Албатта, ҳамма хурсанд бўлди. Айниқса, профессионал футбол ҳавосидан баҳраманд бўлмаган ёшлар қувонди. Таркибимизда футбол академияни битирган, аммо профессионал шартнома имзоламаган футболчилар бор. Биз буни мўъжиза сифатида қабул қилдик. Бу хабардан кейин машғулотларга эътиборни кучайтирдик. Икки раунддан ўтганимиз Кубокга жуда яхши мослашганимиздан далолат беради.

- Аслида турли хил суҳбатларга қандай муносабатда бўласиз? “Амкал” “блогерлар жамоаси, аслида улар кимлар?
- Мен бундай суҳбатларга нейтрал муносабатдаман. Чунки медиа-футболни кузатувчилар унинг савиясини кўради. Аммо ҳаваскор жамоалар нафақат блогерлардан, балки футболчилардан иборат. Ҳа, бизда профессионал футболчилар йўқ, чунки профессионал шартномалар ҳам йўқ. Масалан, менда анчадан бери профессионал шартнома имзоламагандим. Кимдир бир йилдан бери шартномасиз, кимдир яқинда фаолиятини якунлаган. Аммо яқинда шартномасиз қолганлар ўз фаолиятини қайтадан бошлашни ва ўзини қайта тикламоқчи бўлган ёшлардан иборатмиз. Шундай экан, “Амкал”ни ҳаваскор жамоа демаган бўлардим. Қоғозда, ҳа, у ҳаваскор. Аммо визуал тарзда у ҳаваскор эмаслиги аниқ.

- Оммавий ахборот воситаларидан энг ёқимли мулоҳазалар?
- Кўпчилик бизни табриклади. Телевидениеда биз ҳақимизда тез-тез гапиришди. Айниқса, биринчи раундда ғалаба қозонганидан кейин матбуот биз ҳақимизда гапира бошлади. Ҳатто Игорь Акинфеев пенальтидан сўнг дарвозабонимиз Александр Маменкони ҳам қайд этди. Россия терма жамоасида ўйнаган дарвозабон бизнинг киперимиз эътироф этгани жуда ёқимли бўлди.

- Аммо бундан кейин "Твер"га қарши ўйнадинглар. Бундай рақиб билан ўйнаш қийинроқ бўлдими?
- Айтганимдек, биринчи даврада ўтиб олиш қийинроқ кечди. Иккинчи даврада ҳам бизда босим юқорилади. 1/256 финалда профессионаллар жамоасини мағлуб этганимиздан кейин бизга бошқача муносабат билдира бошлади.

- Рақиб футболчиси ўйин якунида ҳакамга қўполлик қилди, кейин эса операторнинг қўлидан телефонни тортиб олди. Четдан қараганда, пастдан келган профессионал жамоалар психологик жиҳатдан барқарор эмас, жамоангиз эса ўзини эркин тутаётгандек туюлади. Сизнингча, бу ерда қандай ҳодиса бор?
- Одатда кубокларнинг дастлабки босқичлари оммавий ахборот воситаларида ёритилмайди. Аммо телевидение ва оммавий ахборот воситалари биринчи давра ўйинларига қизиқиш билдиришди. ФНЛ-2 (Россиянинг учинчи муҳим дивизиони – Е.Р.) Бундан ташқари, улар Матч ТВ орқали жонли эфирда намойиш этилди. Улар учун бу бироз босим юклайди. Биз кўникдик, яқиндагина Россия Премьер-лигаси иштирокчиси “Динамо”га қарши ўйнадик. Рақиблар бироз асабийлашган бўлса керак. Улар ҳаваскор жамоага ютқазишни истамайди. Натижада, улар ҳакамдан аламини олишга уринади.

- “Амкал” футболчилари ФНЛ-2 клубларидан кўп маош оладими?
- Йўқ, жамоамиз футболчилари ФНЛ футболчиларидан кўп маош олишмайди. “Амкал” футболчилари клубдан барқарор даромадга эга эмас. Мукофот пулларимиз бор, дейлик, ғалаба учун 10 000 рублни (тахминан 1 830 000 сўм - Е.Р.) ташкил қилади. Рақибларга қараб, икки баробар бонуслар мавжуд. Албатта, агар сиз бир ой ичида барча ўйинларда ғалаба қозонсангиз, бу тахминан 40 000 рублни ташкил қилади. Тахминан бундай пулни ФНЛдаги профессионал футболчилар ишлаб топади.

- Ўзбекистонда ўйнаш ғояси қандай пайдо бўлди?
 - Бизда ковид чекловлари бор эди. Москвада биз томошабинлар қаршисида ўйнай олмадик. Ҳерман томошабинлар билан ўйнаш учун турли хил вариантларни (Ҳерман Эл-Классико - таниқли россиялик футбол блогери. “Амкал” асосчиси – Е.Р.) ўйлаб топди. Мен унга Ўзбекистонни таклиф қилдим, чунки ҳеч қандай ковид чекловлари йўқ эди ва томошабинлар қаршисида ўйнай олишимиз имконияти пайдо бўлганжи. Шундан сўнг “Пахтакор” билан боғланиб, клуб ёшлари билан ўйин бўйича келишиб олдик.

- Ҳақиқатан ҳам Ўзбекистонда мухлисларингиз кўпми?
- Ноябрь ойида ўйнаганимизга қарамай, Ўзбекистонда об-ҳаво яхши эди. Ўйин ҳақида бир ой олдин эълон қилгандик. Бошқа томондан, менга бу етарли эмасдек туюлди. Агар улар уч ой олдин эълон қилишса, бундан ҳам кўпроқ мухлислар ташриф буюрарди. Тўғри, “Амкал”нинг Ўзбекистонга ташрифи мухлисларни қизиқтирадими, деган хавотирлар ҳам бор эди. Аммо маълум бўлишича, кўпчилик, айниқса, ёшларда қизиқиш юқори бўлган. Менда “Амкал” яна Ўзбекистонга ташриф буюришини жуда хоҳлайман. Мен бу ҳақда Ҳерман билан тез-тез гаплашаман. Агар Ўзбекистон жамоаларидан таклифлар бўлса, бу бўйича маслаҳатлашамиз.

- Ҳаммага ҳам маълум эмас. Лекин аслида сиз ўзбекистонликсиз. Ўз вақтида “Бухоро”да ўйнагансиз, “Пахтакор” мактаби тарбияланувчисисиз. Бу борада ўзбек футболини кузатасизми?
- Тўғри, мен Тошкентда туғилганман. У “Бухоро” ва бошқа кўплаб жамоаларда ҳам ўйнаганман. Ўзбекистон чемпионатини кузатиб бораман. Инстаграмда футбол ҳақида ўзбек оммасига обуна бўлганман. Учрашувлардаги голларни, учрашувлар натижаларини кузатиб бораман. Тахминан Ўзбекистон чемпионатида нималар бўлаётганидан хабарим бор, гарчи тўлиқ ўйинларни томоша қилмасам ҳам.

- "Локомотив" ярим ҳимоячиси Ғулом-Ҳайдар Ғуломов билан дўст эканлигингизни биламан. “Локомотив”дан кетса, “Амкал”га таклиф қилишга тайёрмисиз?
- Тўғри, Ғулом менинг энг яқин дўстларимдан бири. Биз у билан болаликдан дўстмиз. “Пахтакор” академиясида бирга ўйнаганмиз. Уни “Амкал”га чақиришда ҳеч қандай муаммо йўқ. Лекин уни бу жамоага келади деб ўйламайман. У ҳали ҳам оиласи билан Тошкентда яшашни хоҳлайди. Имкон қадар профессионал футбол ўйнашини, Ўзбекистон Суперлигасида муваффақиятли тўп тепишини истайман.

- Сўнгги пайтларда Ўзбекистон чемпионатида ҳакамлар фаолияти билан боғлиқ кўплаб шов-шувли ҳолатлар пайдо бўлди. Шу билан бирга, Медиа лигада ҳаммаси шундай тартибга солинганки, томошабинлар ўйин давомида ҳакам нима деганини эшитиши мумкин. Шаффофлик учун расмий ва протокол масалаларини минималлаштириш керак деб ўйлайсизми?
- Ҳа, мен турли жанжалларни эшитдим. Ўйлайманки, Ўзбекистонда ҳакамлар билан боғлиқ муаммолар бўлган ва бундан кейин ҳам давом этаверади. Лекин ҳаммасига ҳакамлар айбдор деб ўйламайман. Улар айтганидек, муаммони ҳал қилиш учун чуқурроқ қазиш керак. Медиа лигага келсак, бу ҳар бир инсон ҳакамларни эшитиши мумкинлигининг катта ютуқ. Ҳакамларнинг малакаси паст бўлишига қарамай, суҳбатларингиздан баъзи хатоларни тушунишингиз мумкин. Менимча, бу жуда ажойиб.

- Ўзбекистон терма жамоаси жаҳон чемпионатига чиққанида неча ёшда бўласиз?
- Ўзбек халқи миллий терма жамоанинг жаҳон чемпионатига чиқишини жуда хоҳлайди. Академияларда, болалар футболини ривожлантиришда ёндашувни ўзгартириш керак, деб ҳисоблайман. Умуман, Ўзбекистонда сўнгги йилларда футбол инфратузилмаси яхшиланди. Лекин такрор айтаман, аввало болалар футболида ривожланиш керак, кейин катталар футболининг муваффақияти ҳақида ўйлаш керак.

Евдоким Раимов суҳбатлашди 

Самандарбек таржимаси