"Бизнинг боримиз шу" - Зидан иштирокидаги матбуот анжумани

"Энди биз кейинги мавсум ҳақида, мухлисларимизни қувонтириш борасида ўйлашимиз керак. Мавсумлар оралиғида яхши тайёрланмоқчимиз.

Жамоа борича курашади деб айта олмайман, бироқ бошидан то охиригача барча ўйинларда ғалаба учун ўйнайди.

Бу "Реал"нинг илк ёмон йили эмас. Ёмон йилдан кейин яхшиси келади. Бироқ ушбу мавсумни унутиш мумкин эмас.

Ишлар ёмон кетаётган бўлса ҳам барчасини тўғри қабул қилиш керак. Барча масъулиятни ўз бўйнимга оламан. Бизда 11 ўйин бор эди ва уларнинг 5тасида ютиб, 4тасида мағлуб бўлдик. Бизнинг боримиз шу.

Баҳона қилмаймиз. Барчадан бирма бир кечирим сўрашга тайёрман", - деди Зидан.