Биз севган “Милан” аъзолари мураббий ролида

Ўша вақтлардаги А Серияси баҳслари ҳам томошабоплиги билан ажралиб турарди. Дида, Алессандро Неста, Паоло Мальдини, Кафу, Яп Стам, Женнаро Гаттузо, Пирло, Кака, Филиппо Инзаги, Андрей Шевченко... Бу рўйхатни ҳали узоқ давом эттириш мумкин. 

2005 йил Чемпионлар Лигаси финалидаги драматик ўйинчи? Ахир, уни ҳамон барчамиз бошқача бир ҳайрат билан ёдга олмаймизми?

Тан олинг, ўшанда сиз бошқа жамоа мухлиси бўлсангиз ҳам, бу йигитларнинг ўйинига эътиборсизлик билан қарамагансиз.  

Ўша машҳур жамоа футболчиларидан бир нечтаси бугунги кунда мураббийлик фаолиятини олиб бормоқда.

Хўш, футболчиликни қойиллатган йигитлар, мураббий ролида нималарга қодир. Бугун шу ҳақида гаплашамиз.

Алессандро Неста
Клуб: “Майами”
Бош мураббий сифатида фаолият юритган йиллари: 2015-2017

Нестанинг қалби бир умр “Милан” ва “Лацио” жамоаларида бўлди. Бахтига, ўйинчилик фаолиятига нуқта қўйганидан сўнг, икки клубдан бирини танлашига тўғри келмади. Алессандро Италия ташқарисида ўйнади: аввалига АҚШ чемпионати, кейинчалик эса Ҳиндистонда. Майдонга тушишдан тўхтаганидан сўнг, яна штатга қайтди. У ерда Неста “Майами” жамоаси устидан назоратни ўз қўлига олди. Қизиқ, бу клубнинг иккинчи бошлиғи “Милан”нинг собиқ ўйинчиси Паоло Мальдини эди. Неста “Майами”да бир неча йилгина фаолият юритганига қарамай, шу вақт ичида клуб NASL ярим финалида плей-оффда қатнашишига муваффақ бўлди. Айтишларига қараганда, мураббий клубга Франческо Тоттини ҳам олиб келишни ўйлаб қўйган. Аммо, бу иш амалга ошмай, ўзи клубни тарк этди. “Майами” у билан етакчи жамоалардан бирига айланган эди.

Яп Стам
Клуб: “Рединг”
Бош мураббий сифатида фаолият юритган йиллари: 2016 – ва ҳозирда

Биринчи қадамданоқ ўзини “тегирмонга ташлаган” бу Яп Стам. Бошқа томондан, у бош мураббий мақомига аста-секинлик билан эришди. Аввалига Голландиянинг “Зволле” жамоасида ассистент, кейинроқ “Аякс” мураббийлар штабида ишлади. “Милан” ва “Манчестер Юнайтед” собиқ ҳимоячиси бир неча йилдан сўнг, футбол клуби бошқарувини тўлиқ назоратни қўлга олиш қарорига келди. 

Жуда узоқ тайёргарлик. Масалан, Леонид Викторович аллақачон бундан хабардор. Лекин Стам “Рединг”даги биринчи мавсумидаёқ Премьер лигага чиқишга ҳаракат қилган. Афсуски, клуб учинчи ўринни эгаллаган. Чемпионшип шундай турнирки, унда ҳамма нарса бирданига ўзгариб кетиши мумкин. “Рединг” ҳозирда 18-ўринда ва бу мавсумда олий лигага чиқолмаслиги ҳақиқатга яқинроқ. Лекин Стам ҳали ҳануз ўз ўрнида.

Филиппо Индзаги
Клублари: “Милан”, “Венеция”
Бош мураббий сифатида фаолият юритган йиллари: 2014-2015; 2016 — ва ҳозирда.

Филиппо “Милан”да ўзининг сўнгги мавсумини ўтказганидан сўнг, “ёшлар” клубини бошқарди. Бироқ 2014 йилнинг ёзидаёқ Индзаги клубнинг бош мураббийи бўлди. Аввалига катта иштиёқ билан бошланган ўйин натижасида унинг жамоаси “Лацио” устидан ғалаба қозонди. Ғалабалик завқидан баҳраманд бўлаётган коуч, матбуот анжуманларида кулгили гаплар айта бошлади. Аммо, ҳаммаси ҳам бунчалик хурсандчилик билан давом этмади, яъни “Милан” мавсумни 10-ўринни эгаллаган ҳолда якунлади. У кейинги жамоани жуда аянчли аҳволда қўлга олди. Ўшанда “Венеция” Италия дивизионининг энг сўнгги поғонасида эди. Унинг клубга ўтиши, олдинроқ Jay-Z билан ишлаган адвокат Жо Такопинининг келиши билан бир вақтда содир бўлган. Қизиқ, футболга ўтиш Такопинага нима учун керак бўлиб қолди экан?! Аммо, у билан клубнинг иши юришиб кетди. Ҳозирда Индзаги бошчилигидаги “Венеция” жамоаси В Сериясида ва янада юксалиши учун етарлича имкони ҳам бор.

Женнаро Гаттузо
Клуб: “Сьон”, “Палермо”, “ОФИ”, “Пиза”, “Милан”
Бош мураббий сифатида фаолият юритган йиллари: 2014; 2013-2014; 2014-2015; 2015-2017; 2017 — ва ҳозирда

Майдондаги вазифасидан қатъий назар, Женнаро доимо бош ролларда бўлган. Балки шу сабабли ҳам, Гаттузо “Сьон” жамоасидаги фаолиятини якунлаган йилнинг ўзидаёқ мураббий бўлгандир?! Аммо 11та ўйиндан сўнг, бор йўғи 10 очко тўплаган жамоа Гаттузони лавозимидан четлатди. Кейин Италияга қайтди, аммо бу ерда ҳам яна омадсизликка учради. В Сериясидаги “Палермо” муваффақиятсизликка учраб, бир неча ойдан сўнг, уни лавозимидан бўшатишди. Шундан сўнг, у Грециянинг “ОФИ” жамоаси устидан назоратни олиб, яна бир омадсиз даврни бошидан ўтказди. Ўшанда Женнаро клуби рўйхатнинг энг охирги поғонасини эгаллаган эди.

Ҳар қандай инсон ҳам бундай омадсизликлардан кейин, ўз келажаги ҳақида қаттиқ қайғурган бўлар эди. Аммо, италиялик кейинги сафар ҳам, ўз юртидаги бир жамоага бошчилик қилишга қарор қилди. Бироқ бу сафар “Пиза” билан бир қатор “ютуқ”ларга эришди: жамоа унинг қўл остида А Серияга чиққан, кейин уни хайдаб юборишган, қайтган ва қайтиб Б Серияга равона бўлган. Қизиқ, Гаттузо билан боғлиқ шунча ишдан сўнг, қандай қилиб унга бутун бошли катта клубни ишониб топширишди экан?! Аммо, шундай инсон ҳозир “Милан”ни бошқармоқда. Гаттузо яна бир бор бош мураббий бўлиш имконини қўлга киритди. Қизиқ, бу сафар энди ўз ишини эплай олармикан?!

Андрей Шевченко
Жамоаси: Украина терма жамоаси  
Бош мураббий сифатида фаолият юритган йиллари: 2016 — ва ҳозирда

Андрей Шевченко ўз уйида ўтган Европа-2012 Чемпионатидан сўнг, Украина термасидаги иштироки ва умуман футболчилик фаолиятига ҳам нуқта қўйди. Фаолиятини тугатгач, Шевченко анча вақтгача футболдан узоқлашиб кетди. Шу вақт ичида, нима қилиш кераклиги ҳақида ўйладими ёки шунчаки ҳаётдан завқландими, хуллас 2016 йилдагина футболга қайтди. Ўшанда у Украина термаси мураббийлик штабига борди ва Михаил Фоменко ассистенти бўлди. Улар биргаликда Евро-2016га чиқишди, аммо бу украиналикларнинг мағлубияти билан якунланди: у турнирдаги энг ёмон жамоалардан бири бўлди ва Фоменко истеъфога чиқди. Клуб янги мураббийи эса “Милан”нинг собиқ ўйинчиси бўлди. Жаҳон чемпионатининг саралаш босқичида Украина мундиалга чиқолмади. У Исландия ва Хорватиядан кейинги учинчи ўринни эгаллади. Шунга қарамай, Шевченко ўз лавозимидан четлатилмади ва ҳали ҳануз уларга бошчилик қилмоқда.

Нозима Зарипова тайёрлади