Битта қўнғироқ ва икки футболчи рози бўлган: Роналду ажойиб агент!

У "Манчестер Юнайтед" мақсад қилган икки футболчига қўнғироқ қилган ва уларни клубга ўтишга кўндирган. Бу борада "Арсенал"ни доғда қолдириб кетганди. 

Сэр Алекс Фергюсон ўз вақтида Роналду сабаб бразилиялик футболчилар Рафаэль ва Фабио да Силва билан келишувга эришган. 

Бу ҳақида Рафаэль UTD подкастида гапириб берди. Ўшанда Криш унга қўнғироқ қилган ва бразилиялик футболчи бундан ҳайратда қолган. 

"У менга қўнғироқ қилган ва буни хеч қачон унутмайман" дейди ҳозирда "Ботафого"да ўйнаётган Рафаэль. "Ким бу?" дедим. Рақамда ноллар жуда кўп эди, менга хеч қачон бундай қўнғироқ бўлмаганди. 

У мен билан саломлашди, мен эса "Бу Роналду, Роналду!" деганимча автобусимга шошардим. У бизни суҳбатга чақирмоқда! У шундай деди: "Йигитлар, сизга бир гапни айтиш учун қўнғироқ қиляпман: "Манчестер Юнайтед"га ўтинг. Биламан, бу ер сизга ёқади". 

Мен эса бунга ишона олмаётгандим. Бу ажойиб эди", - деди Рафаэль. 

2000 йилларда МЮ ва "Арсенал" ўртасидаги рақобат шу қадар жиддий эдики, Фергюсон икки ёш юлдуз трансфери борасида Арсен Венгерга ютқазиб қўйишни истамаган экан. 

Шу сабабли "Қизил иблислар" ака-укаларни "Флуминезе"дан ўз сафларига қўшиб олганлар.