Биродар Абдураимов 72 ёшга тўлди
14 may 2015 15:24
News

Биродар Абдураимов 72 ёшга тўлди

Бугун ўзбек футболининг барҳаёт афсонаси, мамлакатимизда каттаю кичик мухлиснинг азиз футболчиси бўлган Биродар Ҳасанович Абдураимов 72 ёшни нишонламоқда.

Ўзбекистонда ХХ асрнинг энг яхши футболчиларидан бир, "Шуҳрат" медали ва "Ўзбекистон ифтиҳори" кўкрак нишони соҳиби Биродар Абдураимовни танимаган ва билмаган ишқибоз топилмаса керак.

Ўз вақтида "Пахтакор" таркибида бетакрор ўйинлари билан мухлислар қалбини забт этган Биродар Ҳасанович ўзбек футболининг ривожига катта ҳисса қўшган ва ҳозирда ҳам қўшиб келмоқда. Биродар Ҳасановичнинг ўғиллари Азамат, Жасур ва Баҳодир отаси каби футболчи сифатида мухлислар меҳрини қозона олишган.

Биз сайтимиз номидан Биродар Абдураимовни 72 ёши билан табриклаймиз. Доимо соғ-саломат бўлинг Биродар Ҳасанович!

Link :

Source : championat.asia

Receive latest football news directly on your phone. Subscribe for our Telegram channel!

Rating: