Биринчи лига. «Хотира-79» тайёргарликни бошлаш арафасида

Клуб вакили Тўлқинжон Отавалиевнинг берган маълумотига кўра, жамоа аъзолари 23 январь куни Уйчидаги «Пахтакор» стадионида йиғилади ва бир маҳалдан машғулотлар ўтказила бошлайди.

Клуб қароргоҳида таъмирлаш ишлари олиб борилмоқда. У ердаги ишлар якунига етгач футболчиларнинг базада истиқомат қилиши йўлга қўйилади. Бош мураббий сифатида Меҳмон Солихўжаев фаолият юритадиган бўлди. Мухлислар яхши билса керак, ушбу мутахассис бир неча йил «Косонсой» жамоасини бошқарган. Асосан ёшлар билан ишлаб уларни етиштиришга интиладиган мураббий Уйчи туманида бу йил курашчан жамоа шакллантириш ниятида. Жамоа таркибидаги ўзгаришлар ҳақида йиғин бошлангач яна батафсил маълумот берамиз.