Биринчи лига. "Машъал-2" сўнгги дақиқада имкониятни бой берди

Ўз майдонида "Хоразм"ни қабул қилган "газчилар" сўнгги дақиқада имкониятни бой берди.

Учрашувнинг биринчи бўлими меҳмонлар ташаббуси билан ўтди. Уч марта Темур Бекчанов, Низом Норов ва Маркс Қуранбоев дарвоза тўсинини нишонга олди. Майдон эгаларининг қарши ҳужумлари Ғайрат Ўдаев учун қийинчилик туғдирмади. Шунга қарамай бўлимда ҳисоб очилмади.
Иккинчи бўлимда бироз жонланган "Машъал-2" футболчилари икки бор хавфли ҳужум ташкил этишди. Сардор Сулаймонов бирга бир вазиятга чиқиб борди лекин вазиятни якунлашда хатоликка йўл қўйди. 89 дақиқада "Хоразм" футболчилари ҳужум уюштиришди. Ҳимоячидан қайтган тўпни Мирзобек Қурязов кучли зарб билан дарвозага жойлаб қўйди. Сўнгги дақиқаларда ҳисоб ўзгармади ва "Машъал-2" ўз майдонида имкониятни бой берди.

"Машъал-2" кейинги ўйинни 28 апрелда,  Ўзбекистон кубоги доирасида Муборакда "Андижон"га қарши ўтказади.

Биринчи лига, 5-тур.

"Машъал-2" - "Хоразм" 0:1
Гол: 0:1 Мирзобек Курязов (89).

"Машъал-2": 77.Раҳимжон Давронов, 3.Константин Боев (7.Шамсиддин Саъдуллаев  46), 4.Миржалол Қосимов (c), 8.Жаъфар Исмоилов, 10.Санжарбек Аҳмедов, 11.Шокир Юлдашев, 14.Бекзод Раҳмонов (2.Суҳроб Исматов 65), 19.Муни Мирмуҳсин Юсупов (5.Сардор Сулаймонов  50), 20.Бобуржон Абдуллаев, 24.Ёдгор Назаров, 26.Темур Юмангулов.
Захира: 30.Ҳусан Олимжонов,  9.Абдурасул Жўраев, 17.Зуҳриддин Камолов, 18.Ойбек Жўраев.

"Хоразм": 35.Ғайрат Удаев (c), 2.Шаҳзод Маннонов, 5.Темур Исмоилов, 9.Низомжон Норов, 10.Темур Бекчанов, 12.Марат Қудратов, 13.Мирзобек Қурязов, 15.Илёс Хайров, 17.Маркс Қуранбоев, 18.Аброр Ҳусаинов, 4.Жасур Отажонов.
Захира: 1.Равшан Жуманиёзов, 3.Аббос Каримов, 6.Маъмур Абдуллаев, 7.Сирож Рузметов, 8.Маннон Зарипов, 11.Сарварбек Жуманиёзов.