Бир ўйин тарихи. Бундан роппа-роса 19 йил олдин "Бавария" ЕЧЛ финалида Эктор Купер бошчилигидаги "Валенсия"ни мағлуб этганди

Финалда "Бавария"га Испаниянинг "Валенсия" клуби тўқнаш келган эди. Учрашувнинг 3-дақиқасида нидерландиялик бош ҳакам Дик Йол "Бавария" дарвозасига пенальти белгилайди. Гаиска Мендьета 11 метрли жарима тўпидан гол уради - 0:1.

Орадан 5 дақиқа ўтгач ҳакам бу сафар "Валенсия" дарвозаси томон пенальти белгилайди. Бироқ Мехмет Шолль гол ура олмайди, Канисарес маҳорат кўрсатади.

Иккинчи тайм бошида Дик Йол учинчи бор 11 метрли жарима нуқтасини кўрсатади. "Бавария" сардори Штефан Эффенберг Канисаресни ожиз қолдиради - 1:1.

Асосий ва қўшимча вақтда бошқа гол урилмайди. Ғолиб футбол лотореяси деб аталмиш пенальтилар сериясида аниқланиши маълум бўлди.

Серияни "Бавария" футболчиси Пауло Сержио бошлайди ва гол ура олмайди. "Валенсия"нинг учинчи зарбаси муаллифли словениялик Златко Захович ҳам адашади ва учинчи зарбалардан кейин ҳисоб 2:2 кўринишини олади. Мюнхенликларнинг навбатдаги зарбасини Патрик Андрессон беради ва Канисарес тўпни қайтаради. Кейинги зарбани берган Амедео Карбони гол урса "Валенсия" 99 фоиз чемпион бўларди. Бироқ Оливер Кан унинг зарбасини қайтаради! Бешта зарбадан кейин ҳисоб 3:3 бўлади. Иккала жамоа аъзолари яна икки мартадан зарба бериб гол уришади. Еттинчи зарбада Томас Линке гол уради, "Валенсия" вакили Маурисио Пеллегринонинг зарбасидан кейин Оливер Кан тўпни қайтаради, "Бавария" чемпион! Эктор Купер бошчилигидаги "Валенсия" кетма-кет иккинчи йил ЕЧЛ финалида мағлуб бўлади.

Европа чемпионлар лигаси-2000/2001. Финал.

"Бавария" - "Валенсия" - 1:1 (Пенальтилар серияси 5:4)

23.05.2001. Милан, "Сан Сиро" стадиони. 80000 томошабин.

Бош ҳакам: Дик Йол (Голландия)

Голлар:
0:1 - Гаиска Мендьета - пенальтидан 3.
1:1 - Штефен Эффенберг - пенальтидан 50.

Амалга оширилмаган пенальти: Мехмет Шолль ("Бавария") 8 (дарвозабон)

"Бавария": Оливер Кан; Биксант Лизаразю; Патрик Андерссон; Самуэль Куффур; Томас Линке; Оуэн Харгривс; Хасан Салихамиджич; Штефен Эффенберг; Мехмет Шолль (Пауло Сержио, 108); Жованни Элбер (Александр Циклер, 100); Вилли Саньоль (Карстен Янкер, 46)

"Валенсия": Сантьяго Канисарес; Амедео Карбони; Жоселин Англома; Маурицио Пеллегрино; Гаиска Мендьета; Кили Гонсалес; Рубен Бараха; Джон Карью; Роберто Фабиан Айяла (Мирослав Джукич, 89); Хуан Санчес (Златко Захович, 66); Пабло Аймар (Давид Албельда, 46)

Огоҳлантиришлар: Патрик Андерссон; Сантьяго Канисарес; Амедео Карбони; Кили Гонсалес.