"BILD": Сидней Сем ва Фабиан Гифер ёзда "Шальке 04"га кўчиб ўтишади
07 dec 2013 16:16
News

"BILD": Сидней Сем ва Фабиан Гифер ёзда "Шальке 04"га кўчиб ўтишади

"BILD" нашри тарқатган хабарга кўра, бир неча мавсумдан буён Леверкузеннинг "Байер" жамоаси сафида муваффақиятли тўп суриб келаётган Сидней Сем фаолиятини янги мавсумдан бошлаб "Шальке" да давом эттирадиган бўлди.

Леверкузенликлар сафида ишончли ўйин намойиш этиб кўпчилик мухлислар қалбидан жой ола билган Сем қадрдон жамоаси сафини тарк этади. 25 ёшли футболчига сўнгги вақтларда кўплаб топ-клублардан "совчилар" келаётган эди. Охир-оқибат Сидней Гелзенкирхенга кўчиб ўтадиган бўлди. "BILD" нашрида қайд этилишича, трансфер суммаси 2,5 миллион Еврони ташкил этади. Ушбу трансфер мавсум якунлашгач амалга оширилади.

Таркибни кучайтиришга катта эътибор қаратаётган "Шальке" Семнинг трансфери билан чекланиб қолмоқчи эмас. Гелзенкрихенликлар Дюсселдорфнинг "Фортуна" жамоаси дарвозабони Фабиан Гифер билан келишувга эришишди. Маълумки, Мануель Нойер "Бавария"га сотиб юборилгандан сўнг "Шальке"да дарвозабонлар билан боғлиқ мумаммо юзага келган эди. Шу боисдан "Шалке" маъмурияти Гиферни сотиб олишга қаттиқ урғу бериб келаётганди. Чунки, Гелзенкирхенликар Гиферни Нойернинг вориси сифатида кўришмоқда. Олинган маълумотларга қараганда, "Шальке" Фабиан Гифер билан тўрт йиллик шартнома имзолайди.

Link :

Source : bild.de

Receive latest football news directly on your phone. Subscribe for our Telegram channel!

Rating: