Биласизми? "Навбаҳор" охирги тўртта уй учрашувидан учтасида бир хил 3:0 ҳисобида ғалаба қозонди
12 jun 2018 14:15
News

Биласизми? "Навбаҳор" охирги тўртта уй учрашувидан учтасида бир хил 3:0 ҳисобида ғалаба қозонди

Наманганнинг "Навбаҳор" клуби Суперлига баҳсларини кўтаринки кайфиятда ўтказмоқда.

Хабарингиз бор, жамоа куни кеча ўз майдонида "Қўқон-1912"ни қабул қилиб 3:0 ҳисобида ғалабага эришди. Қизиғи шундаки, "Навбаҳор" бундан аввалги учта уй учрашувидан иккитасида шу ҳисоб билан зафар қучганди. Аввалига "Қизилқум", ундан кейин "Металлург" 3:0 ҳисобида мағлуб этилганди.

Мана энди Наманганга ташриф буюрган "Қўқон-1912" ҳам ўз дарвозасидан жавобсиз учта тўп ўтказиб юборди. Бундан кўриниб турибдики, наманганликларнинг шашти анча баланд. Илҳом Мўминжонов шогирдлари ҳар бир баҳсда астойдил ҳаракат қилишмоқда дея оламиз. Яна бир маълумот: "Навбаҳор" охирги бешта ўйиннинг бирортасида ҳам гол ўтказмасдан ғалаба қозонди. Тўплар нисбати 11-0. Мана буни таҳсинга лойиқ натижа деса бўлади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +56