Биласизми? "Насаф" кетма-кет бешта ўйинда гол ўтказмасдан ғалаба қозонди
02 oct 2017 13:00
News

Биласизми? "Насаф" кетма-кет бешта ўйинда гол ўтказмасдан ғалаба қозонди

Иккинчи даврада "Насаф" биринчи даврадаги "Насаф"га нисбатан сермаҳсул ўйин намойиш этяпти.

Хусусан жамоа охирги беш учрашувни қаторасига ғалаба билан якунлади. Жамоа ўз майдонида "Бунёдкор"га мағлуб бўлганидан сўнг аввалига "Сўғдиёна", кейин "Олмалиқ", "Локомотив", "Обод" ва "Қизилқум" клублари устидан зафар қучди.

Дарвоқе, "Насаф" сафарда "Бухоро" ва ўз майдонида "Бунёдкор"га гол урмасдан ютқазиб қўйганди. Кейинги бешта ўйинда эса жамоа ўз дарвозасидан бирортаям тўп ўтказиб юбормади. Тўплар нисбати ҳам ҳавас қилса арзийди 14-0. Фақат шуни айтиш керак, "Насаф" Тошкентда "Обод"нинг ўзига жавобсиз олтита гол урган.

Турнир жадвалида Рўзиқул Бердиев шогирдлари 44 очко билан иккинчи ўринда боришмоқда. Пешқадам "Локо" ҳисобида эса 51 очко мавжуд. "Насаф" олий лиганинг кейинги турида "Нефтчи" меҳмони бўлади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +9