Биласизми? “Бунёдкор” 2008 йилдан бери Эрон клубларини Тошкентда мағлуб эта олмаяпти

Статистикага қарайдиган бўлсак, “Бунёдкор” шу пайтгача Эрон клубларига қарши 12 марта майдонга тушган.

Аммо “қалдирғочлар” 2008 йилдан бери бу мамлакат жамоаларини мағлуб эта олишмаяпти. Жамоа охирги марта ўша йилги мусобақанинг гуруҳ босқичида “Сепахон”ни 2:0, чорак финалда эса “Сайпа”ни 5:1 ҳисобида мағлуб этганди.

Шундан бери “Бунёдкор” ўз майдонида 2009 йил “Сепахон” (2:2), 2010 йил “Зоб Ахан” (0:1) ва 2011 йилда “Пирузи” (0:0) клубларига қарши баҳс олиб бориб бирортасида ғалаба қозона олмаган. “Фулад” билан кечадиган ўйинда қандай натижа қайд этилишини эса эртага билиб оламиз.