Бэйл бу мавсум Уэльс таркибида 5 та, "Реал"да эса 1 та гол урди
25 mar 2022 11:36
News

Бэйл бу мавсум Уэльс таркибида 5 та, "Реал"да эса 1 та гол урди

Уэльс терма жамоаси сардори Гарет Бэйл ЖЧ-2022 саралаши доирасидаги баҳсда Австрия дарвозасини икки бор ишғол этди.

Ўзининг биринчи голини Гарет 25-дақиқада жарима зарбасидан урган бўлса, 51-дақиқада у Хайнц Линднер қўриқлаётган дарвозани иккинчи бор аниқ нишонга олди.

Ушбу мавсум 32 ёшли футболчи терма жамоа сафида 5 та гол уришга улгурди – сентябрь ойида Беларусь билан баҳсда хет-трик қайд этганди.

Қизиқ томони, "Реал" таркибида Бэйл бор йўғи 1 та гол урган – 22 август куни "Леванте" билан ўйинда (3:3).