Бенитес "Ливерпуль"нинг иккита камбэкини солиштирди

“Мен қайд этган камбэк яхшироқ чиққан эди. Бу шундоқ ҳам кўриниб турибди. Сўровнома (Sky Sports томонидан ўтказилган) натижаларига кўра ҳам шундай. Мен қайд этган натижанинг олдида «Барселона» билан ўйинни яхши деб аташга имкон йўқ.  «Милан»дек жамоага 0:3 ҳисобида имкониятни бой бераётган эдик ва захирамизда 45 дақиқа бор эди. Мухлисларимиз танаффус пайтида бизга атаб қўшиқ куйлади. Миланликлар эса жуда хурсанд эди. Кейин эса биз чиқиб, 6 дақиқа ичида учта гол урдик ва Дудек сейв намойиш этди. Сўнгра қўшимча бўлимлар ҳамда пенальтилар серияси. Агар «Ливерпуль» бош совринга эга чиқса бу фантастик кўрсаткич бўлади. Бироқ, мен буни муҳокама қилиш ниятида эмасман. Улар «Барселона»га қарши баҳсни яхши ўтказишди. Барибир Истанбулдагиси бошқача бўлган", - дея қайд этган мураббий.