Беллингем кейинги мавсум стартини ўтказиб юбориши мумкин

Агарда шундай бўлса, футболчи Ла Лига янги мавсум стартини ўтказиб юборади.

Ортга қолган мавсумнинг ҳал қилувчи қисмини Беллингем оғриқлар билан ўтказган. Елкасидаги муаммо унинг ўйинига ҳам таъсир қилмай қолмади. Бироқ англиялик Чемпионлар Лигаси финалида ёрдами тегишига ишонгани учун ҳам ўйнашда давом этди. Айнан шу сабабли у Европа чемпионатида ҳам иштирок этмоқчи.

Таъкидланишича, елкадаги оғриқлар ноябрь ойида бошланган ва вақт ўтгани сайин кучайиб борган. "Реал" футболчиси катта эҳтимол билан жарроҳлик амалиётини бошдан ўтказишига тўғри келади. Беллингем бу ишни Европа чемпионатидан кейин амалга ошириши кутилмоқда. Тикланиш учун талаб қилинадиган тахминий давр уч ойни ташкил қилади.

Эслатиб ўтамиз, Беллингем ортда қолган мавсум Чемпионлар Лигасининг энг ёхши ёш футболчиси ва Ла Лиганинг энг яхши футболчиси деб топилди.