Бельерин "Барселона" машғулотида жароҳат олди ва "Мальорка" билан ўйинни ўтказиб юбориши мумкин

Футболчи тонгги машғулотлар вақтида мушакларида оғриқ сезган. Эртага у тиббий текширувдан ўтади ва ўшанда жароҳатнинг жиддийлик даражаси аниқ бўлади. 

Клубдагиларнинг фикрига кўра, жароҳат у қадар оғир эмас. Бироқ ўйинчи Ла Лиганинг навбатдаги турида жамоасига ёрдам бера олмаса керак.

1 октябрь куни "Барселона" сафарда "Мальорка"га қарши 7-тур учрашувини ўтказади.

Аввалроқ каталонияликлар ўз термалари сафида жароҳат олгани сабаб Рональд Араухо, Жюль Кунде, Мемфис Депай ва Френки де Йонгни йўқотишганди.