Беларусь чемпионати тугашига 3 тур қолди. Чемпионлик ва тўпурарлик учун кураш қизғин тус олди (+жадвал)
31 oct 2020 20:20
News

Беларусь чемпионати тугашига 3 тур қолди. Чемпионлик ва тўпурарлик учун кураш қизғин тус олди (+жадвал)

Бугун Беларусь Олий Лигаси 25-тури доирасида қолдирилган “Белшина” – “Шахтёр” (Солигорск) учрашуви бўлиб ўтди ва унда меҳмонлар йирик ҳисобда зафар қучди.

Солигорскликлар сафида Жасурбек Яхшибоев хет-трикка эришди ва жамоадоши Юлиус Сзокенинг голига ассист бўлди.

“Шахтёр” бугунги ғалабадан кейин мусобақа жадвалида 52 очко билан 2-ўринда бормоқда. Пешқадам БАТЭ билан орадаги фарқ эса атиги 1 очкони ташкил этмоқда.

Шунингдек, Яхшибоев чемпионатдаги голлари сонини 16 тага етказиб олган ҳолда тўпурар бўлиб турган Максим Скавишга (БАТЭ, 17 гол) яқинлашиб олди.

Чемпионат тугашига уч тур қолди ва 28-тур баҳслари эса 6-8 ноябрь саналарига белгиланган. Ғолиблик учун курашаётган "Шахтёр" ва БАТЭ 7 ноябрда ўзаро тўқнаш келади. Мазкур баҳс Тошкент вақти билан 21:00 да бошланади.