Бекзод Ғанижонов: “Мураббийлар ишончи менга куч беради”
03 nov 2016 11:59
News

Бекзод Ғанижонов: “Мураббийлар ишончи менга куч беради”

Олий лига йигирма саккизинчи тури доирасида қизиқарли учрашувлардан бири Навоийда бўлиб ўтади. Унда “Қизилқум” — “Локомотив” жамоалари майдонга тушади.

Учрашув олдидан навоийликларнинг ўн саккиз ёшли ҳужумчиси Бекзод Ғанижоновнинг фикрлари билан қизиқдик.

— Бугун жамоамизни мавсумнинг муҳим синови кутмоқда, — дейди Бекзод Ғанижонов. — Ўтган турда Наманганда жамоамиз таркибида 32 дақиқа майдонда тўп сурдим. Хатти-ҳаракатларимни мураббийлар ижобий баҳолашганидан хурсанд бўлдим. Мақсадим келгусида жамоа асосий таркибида ўз ўйинимни топиб, “Қизилқум”га ёрдам беришни жудаям хоҳлайман.

“Локомотив” жиддий ва кучли жамоалардан бири саналади. Шунга қарамай, агар бугун мураббийларимиз мени таркибга киритишса ва ишонч билдиришса, жамоамнинг ижобий натижаси учун кўмаклашишга тайёрман. Қолаверса, уларнинг ишончи мени янада руҳлантиради ва кучимга куч қўшади.

“Қизилқум” ПФК Матбуот хизмати.

Link :

Source : championat.asia

Receive latest football news directly on your phone. Subscribe for our Telegram channel!

Rating: