Бекхэм Месси ҳақида гапирган "Интер Майами" дарвозабонини клубдан ҳайдади

"Интер Майами" хўжайини Дэвид Бекхэм жамоанинг нидерландиялик посбони Ник Марсман билан шартномани бекор қилди. Бунга ўйинчининг Лионель Месси ҳақида айтган сўзлари сабаб бўлган.

32 ёшли нидерланд Мессининг АҚШга йўл олиши арафасида қуйидаги фикрларни билдирганди: 

"Мессининг ҳаракатлари ажойиб, аммо клубимиз ҳозир унинг келишига тайёр эмас деб ўйлайман. Бизда вақтинчалик стадион бор, майдонга одамлар тушиб келиши мумкин. Ўртада ҳеч қандай тўсиқ йўқ. Машғулот майдонидан стадионга борганимизда ҳеч қандай хавфсизлик тизими йўқ".

Шунингдек, футболчи шундай қўшимча қилган: "Умид қиламанки, у бу ерга келади".