Бахтиёр Сатторов: "Шердор" мағлубиятга муносиб эмасди"

- Бугун уйимизда очилиш маросимини ўтказдик. Аввало мухлисларга ёмғирли об-ҳавода жамоамизни қўллаб-қувватлашгани учун миннатдорчилик билдираман. Бугунги мағлубият учун улар олдида айбдормиз. Сабаби майдонга ғалаба учун тушгандик. Афсуски, 90+3-дақиқада ҳимояда эътиборсизлик қилиб, кутилмаган голни ўтказиб юбордик. Мағлубиятга муносиб эмасдик. 

- Про-Лига клублари таркибига назар ташлайдиган бўлсак, айнан "Шердор"да номдор футболчилар йиғилганлигини кўриш мумкин. Шунга яраша жамоа олдига Суперлигага чиқиш вазифаси қўйилганми?

- Бизнинг вазифа энг аввало самарқандлик ёш футболчиларни тарбиялаб, яхши савияга чиқариш ва ҳар ўйинда ғалаба қозониш. Буёғини вақт кўрсатади – қандай натижани қўлга киритамиз.

- Жамоа янги мавсумга ўзингиз истагандек тайёргарлик кўра олдими?

- Мавсумга яхши тайёргарлик кўра олдик, деб ўйлайман. Бу борада бизни қўллаб-қувватлаган барча ҳомийлар ва раҳбариятга миннатдорчилик билдираман. 

У.Ибодов ёзиб олди