Бахтиёр Саттаров: "Ёзёвонда 6 очколик ўйин бўлди"
28 aug 2018 07:31
News

Бахтиёр Саттаров: "Ёзёвонда 6 очколик ўйин бўлди"

“Ёзёвон” - “Шердор” (1:2) жамоалари учрашувидан сўнг меҳмонлар бош мураббийи Бахтиёр Саттаров “Championat.asia” сайтига интервью берди.

"Бугун қийин учрашув ўтказдик. Бу ўйинни 6 очколик ўйин деб айтса муболаға бўлмаса керак. Очиғини айтадиган бўлсам, “Ёзёвон” жамоасидан биринчи даврадаги мағлубият учун аламимиз бор эди. Шу боис бу учрашувга жуда жиддий ҳозирлик кўргандик. Жамоамиз футболчиларига раҳмат, ўзларини ҳар томонлама кўрсата олишди, якунда ғалаба қозондик. Бу бизни жамоамизга ҳар доим ишқибозлик қилиб келаётган самарқандлик футбол мухлисларини ғалабаси деб ҳисоблайман. Бугунги қўлга киритилган ғалаба билан барча Самарқанд аҳлини табриклайман", - дейди мураббий.