Бахтиёр Қамбаралиев: "Иорданияни бугун 2:1 ҳисобида мағлуб этамиз деган тахминим бор"

Бугун миллий терма жамоамизнинг Иордания қарши кечадиган ўйини олдидан Қамбаралиевнинг ҳам фикрларини тингладик.

- Иордания билан қизиқарли ўйин бўлишини айтиш мумкин. Илгари ҳам бу рақибга қарши ўйнаганмиз. Бугун улардан ўзига хос реванш олишимиз керак. Йигитлар буни жуда яхши тушуниб турган бўлса керак.

- Миллий терма жамоамизда авлодлар алмашинуви юза келган давр. Осиё чемпионатига борадиган ёши катта икки нафар футболчи номи маълум бўлди. Фақат мураббийнинг айтишича, қолган битта ўрин Шодиев ёки Тожиевга тегади. Албатта буни яқин икки ўйиндан сўнг билиб оламиз. Миржалол Қосимов аслида Осиё ўйинларига легионерларимизни олиб кетишни режалаштирганди. Бироқ ФИФА кунлари бўлмагани учун ҳам бу иш амалга ошмайди. Менимча агарда Одил Аҳмедов, Азиз Ҳайдаров ва Сервер Жепаров сингари ўйинчилар борганида, терма жамоамиз янада кучли бўларди. Лекин ҳозирги ўзимизнинг маҳаллий йигитлар Фозил Мусаев билан Ислом Тўхтахўжаевда ҳам халқаро тажриба етарли деб биламан. Насиб қилса улар ёшларга ҳар томонлама ўрнак бўла олади.

- Янги Зеландия билан ўйин ҳақида ҳозирдан бир нима дейишим қийин. Лекин бугун Иорданияни 2:1 ҳисобида мағлуб этамиз деган тахминим бор.


Исломбек Рустамбеков суҳбатлашди