Бахтиёр Ашурматов: "Металлург" кучли ўйин кўрсатди"

Бу ҳақда "Навбаҳор" клубининг твиттердаги расмий саҳифаси хабар берди.

- Об-ҳавонинг ноқулайликларига қарамай, бугунги учрашув муросасиз руҳда кечди. Ҳар икки жамоа футболчилари ҳам майдоннинг ҳар бир қаричи учун жиддий тарзда баҳс олиб боришди. “Металлург” кучли ўйин кўрсатди. Футболчиларга бекободликлар мағлубиятларга учраган бўлишсада, жиддий тарзда ўйин кўрсатишларини айтгандим. Улар ушбу кўрсатмаларга амал қилишга интилишган бўлсада, мезбонлар кучли ўйин кўрсатишди. Мағлубиятдаги жавобгарликни ўз бўйнимга оламан. Йигитлар ижобий натижа сари ҳаракат қилишди. Юқори ўринлар учун курашишни истасак, жамоага жиддийроқ эътибор бериш лозим деб ўйлайман. Ана ўшанда натижаларимиз янада яхшиланади. Бугун жамоамизни қўллаш учун Намангандан келган мухлисларимизга миннатдорчилик билдириб ўтаман. Кейинги турларда ишқибозларимиз ишончини қозониш учун қўлимиздан келганича ҳаракат қиламиз, - дейди Бахтиёр Ашурматов.