Рибери мураббийлик лицензиясига эга бўлди
13 sep 14:20
News

Рибери мураббийлик лицензиясига эга бўлди

"Бавария" ва Франция терма жамоаси собиқ футболчиси Франк Рибери УEФАнинг "А" тоифали лицензияси соҳибига айланди.

Франциялик футболчи Италияда таҳсил олди. Лицензия Франкка аёллар жамоаси ёки C Серия даражасидаги исталган эркаклар жамоасини бошқариш имконини беради.

Риберидан ташқари "Интер" собиқ дарвозабони Самир Ханданович, Италия терма жамоаси собиқ ўйинчилари Доменико Кришито ва Алессандро Диаманти ҳам лицензияли бўлди.

Эслатиб ўтамиз, Рибери 2022 йилда фаолиятини якунлаган. Ярим ҳимоячининг сўнгги жамоаси Италиянинг "Салернитана" жамоаси бўлганди. Футболчи "Бавария"даги ўйинлари орқали ном қозонган, у мюнхенликлар билан 9 марта Германия чемпионлиги ва 1 марта Чемпионлар Лигаси совринини қўлга киритган. Шунингдек, Франк УEФА талқинида 2013 йилнинг энг яхши футболчиси ҳисобланади.

Link :

Source : Football Italia

Receive latest football news directly on your phone. Subscribe for our Telegram channel!

Rating: +3