"Бавария" Нойер билан келиша олмаяпти

Мюнхеннинг "Бавария" клуби дарвозабони Мануэль Нойер билан шартномани узайтириш борасида ҳали келишувга эришмади.

Манба берган хабарга кўра, дарвозабон уч йиллик янги шартнома имзоламоқчи, аммо Германия клуби раҳбарияти Нойернинг шунча йил юқори савияда ўйнай олишига шубҳа қилмоқда. Шу муносабат билан посбонга қисқа муддатли шартнома таклиф қилинмоқда.

36 ёшли Нойер жорий мавсумда "Бавария" сафида барча мусобақаларда 37 та ўйинда майдонга тушди ва 34 та гол ўтказиб юборди. Унинг клуб билан шартномаси 2023 йилнинг ёзига қадар мўлжалланган.