"Бавария" "Байер" ҳимоячисини сотиб олишга яқин

Мюнхеннинг "Бавария" клуби Леверкузеннинг "Байер" жамоаси ҳимоячиси Жонатан Та билан келишув тузишга тайёр, дея хабар берди "Sky Sports".

Хабар қилинишича, "Бавария" ва 28 ёшли Та аллақачон оғзаки келишувга эришган. Бироқ бошқа клублар ҳам ҳимоячининг хизматларига муҳтож. 

"Бавария" ва "Байер" ўртасида музокаралар олиб борилаётгани йўқ. Та кетишни хоҳлайди, лекин "Байер" уни ўзида сақлаб қолмоқчи.

Жонатан Та ўтган мавсум "Байер" таркибида 48 та ўйин ўтказган ва 6 та гол урган ҳамда 1 та голли пас узатган.