“Бавария” “Атлетико” футболчиси учун курашга қўшилди

“Атлетико” ярим ҳимоячиси Томас Парти фаолиятини Германияда давом эттириши мумкин. Унинг хизматларига “Бавария” жиддий қизиқиб қолди. Мюнхенликлар ганалик футболчига жамоани ёзда тарк этадиган Хави Мартинесга ўринбосар сифатида кўрмоқда.

Парти жорий мавсум “Атлетико” сафида 35 та ўйинда майдонга тушиб, 3 та гол урди ва 1 та голли узатма берди. Унинг трансфери 40 млн еврога баҳоланмоқда.