"Бавария" Алонсо учун курашда "Ливерпул"ни ортда қолдирмоқда. Вазият охирги хафталарда ўзгарди

"Байер" клуби бош мураббийи Хаби Алонсо айни дамда "Ливурпул"дан кўра "Бавария"га ўтишга яқинроқ. Ҳозирги пайтда мюнхенликлар мураббийни қўлга киритиш бўйича энг яхши имкониятга эга бўлиб туришибди. Бу ҳақда таниқли инсайдер Жанлука Ди Марционинг сўзларига таянган ҳолда журналист Флориан Плеттенберг маълум қилди.

"2-3 ҳафта олдин "Ливерпул"да яхшироқ имконият бор эди, аммо "Бавария" шундан сўнг актив тарзда ҳаракатларни бошлаб юборди. Немис клуби учун Алонсо мукаммал вариант ҳисобланади. Ҳозирда "Бавария" мураббий учун курашда "Ливерпул"ни ортда қолдирмоқда", -деб ёзади Флориан Плеттенберг ўз ҳамкасбининг сўзларидан келиб чиққан ҳолда.