"Барселона" ёзда таркибни кучайтириш учун 700 миллион еврогача сарфлашни режалаштирмоқда

Каталония клуби бу маблағни Ла Лигадан келадиган телевидения ҳуқуқлари орқали олинадиган даромаднинг бир қисмидан олишни режалаштирмоқда. Тахминларга кўра, 25 фоиз улушни сотиш 500 млнгача маблағ олиб келади.

"Барселона" яна 200 миллион еврони лицензиялаш ва мерчандайзинг соҳаларидаги улуш (49,9%гача)ини сотишдан олмоқчи.

Каталонияликлар ушбу масалаларни муҳокама қилиш учун 16 июнь куни фавқулодда йиғилиш ўтказишади.

Айни дамда "Барселона"нинг сарф қилиш лимити -144 миллион евро - бу бутун Испания чемпионатидаги ягона манфий натижа.