"Барселона" Хулиан Альваресни қўлдан чиқарган
24 mar 15:13
News

"Барселона" Хулиан Альваресни қўлдан чиқарган

"Барселона" 2021 йилда Хулиан Альваресни атиги 22 млн евро эвазига сотиб олиши мумкин эди, бироқ 60 млн еврога Ферран Торресни харид қилишни танлаган.

Бу ҳақда "Barca Universal" маълум қилди.

Аргентиналик футболчи ҳали "Ривер Плейт"да ўйнаб юрганида Каталония клубига таклиф қилинган. Клубнинг техник котиби Энцо Франческоли шахсан форвардни қўлга киритишни маслаҳат берган, бироқ "Барса" Торресга ишонч билдиришга қарор қилган, бундан "Манчестер Сити" фойдаланиб қолган ва бир йил ўтиб Альваресни сотиб олган.

Ҳозир 25 ёшли Альварес "Атлетико"нинг асосий ўйинчиси. У жорий мавсум Ла Лиганинг 28 учрашувида 11 та гол урди.

Ҳужумчи айни пайтда Аргентина терма жамоасида ва ЖЧ-2026 саралашида Бразилияга қарши ўйинда асосий таркибда майдонга тушиши мумкин. "Альбиселесте" Жанубий Америка саралаш жадвалида етакчилик қилмоқда.

Link :

Source : Barca Universal

Receive latest football news directly on your phone. Subscribe for our Telegram channel!

Rating: +3