"Барселона" тарбияланувчиси "Манчестер Сити"га ўтишни истамади

"Манчестер Сити" "Барселона" ҳимоячиси Алекс Бальдега таклиф билан чиқди, бироқ футболчи уни рад этди, деб хабар берди "Mundo Deportivo".

"Шаҳарликлар" 19 ёшли футболчига маошини сезиларли даражада оширишга ваъда беришди. Бироқ Бальде учун устувор вазифа уни тарбиялаган "Барселона" билан 2024 йилнинг ёзига қадар амал қиладиган шартномани узайтириш.

Эслатиб ўтамиз, ўтган мавсумда Алекс Бальде Жорди Альбани асосий таркибдан сиқиб чиқарди. Номдор футболчи охир-оқибат эркин агент сифатида "Барселона"ни тарк этди. Бальде 2022 йилги Жаҳон чемпионатида ўйнаган Испания терма жамоасига ҳам этиб келди.