"Барселона" Роберто Мартинес билан алоқага чиқди. Куман ишдан бўшатилиши мумкин

"Кўк-анорранглилар" раҳбарияти мутахассисни ишдан бўшатишга тайёргарлик кўрмоқда.

Бу борада "Барса" Бельгия терма жамоасини бошқарадиган Роберто Мартинес билан алоқага чиқди. Расмий музокаралар ҳали бошланмаган. Мутахассиснинг ўзига у каталонияликлар бош мураббийи лавозимига асосий номзод эканлиги маълум қилинди.

Мартинес ҳам "Барса"га келиш имкониятидан манфаатдор.

Шу билан бирга, мураббий Миллатлар Лигаси ўйинлари олдидан терма жамоани тарк этишни истамаяпти (7 октябрь куни бельгияликлар турнирнинг ярим финалида Франция терма жамоаси билан, 10 октябрда эса финал ёки 3-ўрин учун ўйинда майдонга тушади). "Барселона" мутахассисни турнир охиригача кутишга тайёр.