"Барселона" раҳбарияти Дембеленинг ўзини тутишидан мамнун эмас
15 nov 2018 10:59
News

"Барселона" раҳбарияти Дембеленинг ўзини тутишидан мамнун эмас

"Барселона" президенти Хосеп Мария Бартомеу, клуб бош директори Хосеп Сегура ва техник котиб Эрик Абидаль жамоа ҳужумчиси Усмон Дембеленинг агенти билан учрашув ўтказишди.

Маълумотларга кўра, кўк-анорранглилар раҳбарияти агентга Дембеле ўзини профессионалларча тутишини, машғулотларга ўз вақтида етиб келишини сўради. Ҳужумчи испан тилини билмаслиги туфайли, ҳамюртлари Самуэль Юмтити ва Клеман Лангледан бошқа ҳеч қайси жамоадоши билан гаплашмас экан.

Эслатиб ўтамиз, олдинроқ футболчи "Интер"га қарши баҳс олдидан "Барселона"нинг йиғилишига кеч қолган эди.

Дембеленинг ўзини тутиши унинг аввалги клуби - "Боруссия"га ҳам ёқмаган эди. 2017 йилнинг ёзида 21 ёшли футболчи "Барселона"га тезроқ ўтиш мақсадида немис клуби машғулотларида иштирок этмаган. Натижада Усмонни машғулотлардан четлаштиришган.

Link :

Source : Marca

Receive latest football news directly on your phone. Subscribe for our Telegram channel!

Rating: -6