"Барселона" президентлиги учун сайловлар қолдирилади

Каталониянинг "Барселона" клуби президентлиги учун сайловлар 24 январь куни бўлиб ўтиши керак эди. Аммо, сайловлар бошқа санага қолдирилиши мумкин. Гап шундаки, Испанияда янги карантин чекловлари жорий қилингани боис сайловчиларнинг қарийб ярми сайлов участкаларига етиб кела олмайди. Бугун финалга чиққан 3 номзод: Виктор Фонт, Жоан Лапорта ва Тони Фрейш - сайловларнинг кейинги тақдирини махсус йиғилишда ҳал қилишлари керак.