"Барселона" "Ливерпуль" футболчиси трансфери бўйича музокараларни бошлади
03 jun 2025 13:05
News

"Барселона" "Ливерпуль" футболчиси трансфери бўйича музокараларни бошлади

"Ливерпуль" вингери Луис Диас "Барселона"нинг ёзги трансферлар ойнасидаги асосий мақсадларидан бирига айланди.

Бу ҳақда инсайдер Флориан Плеттенберг ижтимоий тармоқларда маълум қилди.

Каталонияликлар "Ливерпуль" билан молиявий қийинчиликлар ва янги футболчиларни рўйхатдан ўтказиш билан боғлиқ муаммоларга қарамай, дастлабки музокараларни бошлаб юборган. Колумбиялик футболчининг трансфери "Барса"га катта пулга тушади, аммо унга бўлган қизиқиш жиддийлигича қолмоқда.

Шу билан бирга, Диас эҳтимолий трансфер бўйича аниқ қадамлар ташлаган Саудия Арабистони клублари шорт-листидан ҳам ўрин олган.

28 ёшли Луиснинг ҳисобида ўтган мавсумда барча мусобақаларда 50 та ўйинда 17 та гол ва бешта голли узатма бор.