"Барселона" "Лидс" ҳужумчиси Рафиньянинг агенти билан музокараларни бошлади

Рафиньянинг Англия клуби билан тузган шартномасида 70 миллион евро миқдоридаги товон пули ёзилган, аммо "Барселона" бу юқори деб ҳисобламоқда, шу сабаб яхшироқ шартлар бўйича келишишга ҳаракат қилмоқда.

Қайд этиш керакки, 25 ёшли ўйинчининг агенти "кўк-анорранглилар" собиқ ўйинчиси Деку ҳисобланади.

Рафинья "Лидс" таркибида 2020 йилнинг октябридан бери ўйнайди. Бразилияликнинг клуб билан шартномаси 2024 йилнинг ёзига қадар мўлжалланган.

Форвард жорий мавсум АПЛ доирасидаги 27та ўйинда майдонга тушиб, 9та гол ва 3та ассист қайд этди.