“Барселона” “Интер” ҳимоячисини сотиб олмоқчи

Хабарларга кўра, каталония клуби 21 ёшли футболчи билан узоқ муддатли шартнома тузмоқчи. Аммо “Интер” футболчини осонлик билан қўйиб юбормоқчи эмас. Агар италияликлар футболчининг трансферига рози бўлишган тақдирда ҳам уни 60 миллион евродан камига сотмоқчи эмас.

Бастони 2017 йилдан буён “Интер” шарафини ҳимоя қилиб келмоқда. Унинг миланликлар билан келишуви 2023 йилга қадар мўлжаллаган. Фаолияти давомида футболчи “Аталанта” ва “Парма” таркибида ҳам ҳаракат қилган.

Жорий мавсумда Бастони Италия чемпионатида 20 та учрашувда майдонга тушиб, иккита голли узатмани амалга оширган.