"Барселона" Энтони Элангани ижарага олмоқчи

"Кўк-анорранглилар" инглиз клуби ҳужумчисини трансфер ойнаси ёпилгунича ўз сафига қўшиб олиш ҳақида ўйламоқда. Клуб Мемфис Депай "Атлетико"га қўйиб юборилганидан кейин яна жамоага ҳужумчи олиш масаласини муҳокама қилмоқда. Сабаби Усман Дембеле жароҳат олгани туфайли 5 ҳафтага сафдан чиққани маълум бўлган эди. Трансферлар даври тугагунга қадар марказий яримҳимоя позициясини ҳам бир ўйинчига бойитиш кўзда тутилган. Бироқ испан клуби учун ҳозирча бирор ҳужумчини жалб қилиш устувор бўлиб қолмоқда. 

Ўтган мавсумда "қизил иблислар" орасидан ёриб чиқиб ўтган мавсумда ажойиб ҳаркатланган Эланга ҳозирда Эрик тен Ҳаг жамоасида етарлича ўйин амалиётига эга бўла олмаяпти.

Маълум қилинишича, МЮ Швеция терма жамоаси вакили учун 10 дан ортиқ таклифлар оган. Унга қизиқиш билдиргна клублар орасида "Боруссия" Дортмунд, ПСВ ва "Эвертон" жамоаларини кўриш мумкин. Ҳозирча манкунианлар футболчини қўйиб юбориш борасида аниқ қарорга кела олмаяпти.