"Барселона" Дембелени трансферга қўяди

Каталония клуби франциялик футболчини трансферга қўяди, дея тасдиқлади Diario Sport. "Барса" бу ҳақда мавсум тугаши биланоқ футболчининг агенти Мусса Сиссокога хабар беради.

Агар Дембеле ушбу мавсумда ўйнамаса, уни яхши нархда сотиш қийин бўлади.

Ҳозирча "Барселона"да футболчи учун аниқ таклифлар йўқ. "Ювентус", ПСЖ ва "Ливерпуль" томонидан қизиқиш мавжуд,  аммо унинг жароҳатлар тарихи ва ўтказиб юборган ўйинлари сони клубларни хавотирга солиб қўйган.

Дембеленинг ўзи "Барселона"да қолишни хоҳламоқда. У сўнгги марта Каталония клуби учун 27 ноябрда ўйнаганди.

Дембеле ушбу мавсум Ла Лигада 5 ўйин ўтказиб, 1 та гол урган.