"Барселона" бразилиялик ҳимоячи учун 30 млн евро таклиф этади
19 jun 2025 20:34
News

"Барселона" бразилиялик ҳимоячи учун 30 млн евро таклиф этади

"Барселона" "Монако"нинг ўнг қанот ҳимоячиси Вандерсон учун таклиф тайёрламоқда.

"Кўк-анорранглилар" анча аввал бразилиялик футболчига даъвогарлар қаторига кирган ва энди аниқ ҳаракат қилиш ниятида.

Журналист Валентин Фурланнинг сўзларига кўра, Каталония гранди Вандерсон учун 30 млн евролик таклиф билан чиқишни режалаштирмоқда.

Ҳимоячига "Манчестер Юнайтед" ва "Тоттенхэм" ҳам қизиқиш билдирган, бироқ ҳозирча ҳеч кимдан расмий таклифлар келиб тушмаган.

Вандерсон ўтган мавсум "Монако" сафида 41 ўйинда иштирок этиб, 2 та тўп киритган ва 5 та голга ассистентлик қилган. 23 ёшли футболчи Бразилия терма жамоаси либосида 7 та ўйинда майдонга тушган.

Link :

Source : Yahoo Sports

Receive latest football news directly on your phone. Subscribe for our Telegram channel!

Rating: +4