"Барселона" "аристократлар" ҳужумчисига қизиқиб қолди

RMC Sport нашрининг маълумотига қараганда, 32 ёшли футболчи январда ҳужум чизиғини кучайтиришни хоҳлаётган "Барселона" сафига бориб қўшилиши мумкин.  Жиру Лондон клубига ўтганидан бери 10та гол урди, ҳолос. Шундай бўлса ҳам, каталонияликлар унинг номзодини кўриб чиқишмоқда.

Франциялик ҳужумчи ўтган йили январда "Арсенал"дан "Челси"га ўтганди. Ўша пайт Жирунинг трансфери 17 миллион еврони ташкил этган. Жорий мавсум АПЛда Оливье Жиру 17та учрашувда "Челси" либосида ҳаракат қилди (олтита ўйинни асосий таркибда бошлаган) ва 1та гол уриб, 4та голли узатма муаллифига айланди.