"Барса" ёзда вингер ва ярим ҳимоячини ўз сафига қўшиб олмоқчи. Деку трансфер бозорида вариантларни қидирмоқда, аммо бюджет ҳали маълум эмас

Каталонияликлар спорт директори Деку топ-лигаларда ўзини кўрсатган тажрибали вингерни қидирмоқда. "Барселона" бир нечта машҳур футболчилар номзодини кўриб чиқмоқда - эҳтимолий битим 60-70 миллион еврога тушиши кутилмоқда. Шунингдек, клуб икки қанотда ҳам ўйнай оладиган ярим ҳимоячини ўз сафига қўшиб олишни режалаштирмоқда.

Қайд этилишича, ҳозирча "Барселона" клуби келаси ёзда трансферлар учун қанча маблағ сарфлаши мумкинлигини билмайди - бюджет молиявий фейр-плей қоидаларига риоя қилинишига боғлиқ бўлади. Бундан ташқари, жорий мавсумда чемпионликнинг қўлга киритилиши раҳбариятнинг режаларини ўзгартириши мумкин.