"Барса" истеъфога чиқарилгани учун Сетьенга 4 миллион евро жарима тўлайди

Томонлар 4 миллион еврога рози бўлган.

Жарима бўлиб-бўлиб тўланади. Ушбу келишув туфайли "кўк-анорранглилар" 20 декабрга белгиланган суд жараёнининг олдини олади.

Аввалроқ мутахассис "Барса"дан 14 миллион евро ундириб олиши мумкинлиги ҳақида хабарлар тарқалганди.

Эслатиб ўтамиз, 2020 йилнинг 13 январида "Барселона" Сетьенни бош мураббий этиб тайинлади ва ўша йилнинг 17 августида Чемпионлар лигасида "Бавария"дан йирик мағлубиятга учрагандан сўнг (2:8) ишдан бўшатди.