"Барча мураббийларга унга ўхшаган футболчиларга эга бўлишни тилайман". Дешам — Льорис ҳақида

"Уго ўзининг энг юқори чўққисида бўлса-да, кетишга қарор қилди. Бир неча кун олдин у менга фикрларини баён этиб, қарори ҳақида маълум қилди. Биз уни ҳурмат қилишимиз керак. Ва мен уни ажойиб фаолият билант тарбрикламоқчиман.

Барча рекордлар ва 2018 йилги Жаҳон чемпионатида, 2021 йилги Миллатлар Лигасида ўйнаган муҳим ролидан ташқари... Уго – ажойиб шахс. 2012 йилда мураббий бўлганимда у сардор эди, мен унда боғични сақлаб қолдим ва бундан ҳеч қачон афсусланмадим. Унинг мураббийи бўлиш мен учун бахт ва шараф эди. Мен барча мураббийларга унга ўхшаган футболчиларга эга бўлишни тилайман", – деди Дешам.