Балотелли журналистларга мурожаат қилди

“Қандай қилиб ОАВ менинг машғулот ўтказмаётганимни ёзиши мумкин?  Машғулот олиб бораётган пайтимда бир нечта журналистлар шу ерда бўлади, аниқки, ўз камералари билан.

Мен кунига икки маҳал машғулотларда иштирок этяпман ва деярли ҳар куни! Қандай қилиб сиз бу далилларни рад қилишингиз мумкин? Мен ўзимни камераларга кўринмайдиган шарпа деб ўйламаган эдим.

Вақти келганда ҳаммасини айтиб бераман. Шунда сиз барчасини тушунасиз", - деб ёзди Балотелли Instagram'даги саҳифасида.

Аввалроқ, Балотелли "Брешиа" машғулотларидан четлатилгани ва якка тартибда шуғулланаётгани ҳақида маълум қилинган эди. Шунингдек, "Брешиа" президенти италиялик мавсум охирида клубдан кетишини тасдиқлаганди.

Ҳужумчи ушбу мавсум А Серияда 19 ўйин ўтказиб, 5 та гол урди.