Баҳром Ҳайдаров: "Уч очко икки жамоага ҳам сув ва ҳаводек зарур эди"
16 oct 2021 20:07
News
Баҳром Ҳайдаров: "Уч очко икки жамоага ҳам сув ва ҳаводек зарур эди"
- Ўйин ҳақида
- Жуда қийин ўйин бўлди. Уч очко икки жамоага ҳам сув ва ҳаводек зарур эди. Ўйлайманки, бир очко қўлга киритганимиз – яхши натижа. Бугун жамоаларнинг майдондаги ҳамма футболчилари фаол ҳаракат қилишди. Учрашув тенг курашлар остида кечди. "Турон" охирги ўринда бораётганига қарамасдан, ўз уйида кучли ўйин кўрсатишини исботлади.
- Мурод Бобожоновнинг жароҳати қанчалик жиддий?
- Оёғи озгина шишган. Шифокорлар ўрганиб чиқиб, хулосасини айтишади.
- Бугун жамоангизнинг энг яхши футболчиси деб, дарвозабон Рустам Нортожиевни кўрсатсак бўладими?
- Албатта, бўлади, лекин у ўз ишини қилди. Бир нечта голли вазиятларда қутқарди. Ҳимоячиларни ҳам кўрсатса бўлади. Ярим ҳимоямиз ҳам жуда яхши ўйнади, ҳужумчи ҳам. Барча позиция эгалари яхши кўринишди.
- Турнир жадвали қуйи қисмида жиддий кураш кечмоқда. Суперлигада қолиш учун қайси жамоанинг имконияти яхшироқ?
- Ҳали бирор нарса дейиш қийин. Қуйи қисмдагилар ҳали вазифани уддалай билишмади. "Металлург", "Машъал", "Сурхон", "Андижон", "Турон"... Ҳаммада имконият бор. Охирида кўрамиз. Ўйлайманки, энг яхши имконият бизда. Худо хоҳласа буни уддалаймиз.
- Жамоа сардори Асрор Ғофуров қачон майдонга қайтади?
- Асрор Ғофуровда футболдан ташқари можароли жараён давом этяпти, бу ҳали ҳал бўлгани йўқ. Можаро ечими топилса, федерация кўриб чиқади. Шунинг учун аниғини айтолмайман.
Similar news
championat.asia
Ла Лига. "Барселона" меҳмонда "Вильярреал" устидан ишончли ғалабага эришди, мезбонлар ўйинчиси 39-дақиқада майдондан четлатилди
"Реал" Абдуқодир Ҳусановни ўз сафига қўшиб олмоқчи
Breaking! Ўзбекистоннинг ЖЧдаги рақиби Португалия Эрон билан ўйнайди
Элит ОЧЛ. "Насаф" "Ал Иттиҳод"га кичик ҳисобда ютқазиб, плей-оффга чиқиш имкониятини йўқотди
Comments