Баҳром Ҳайдаров: "Рақиб ҳам, биз ҳам ютқазишга ҳаққимиз йўқ эди"

Ўйин ҳақида

- "Сурхон" мухлисларини узоқ кутилган ғалаба билан табриклайман. Бугун турнир жадвалида ёнма-ён турган жамоалар тўқнаш келишди. Бу каби ўйинлар қийин кечади. Улар ҳам, биз ҳам ютқазишга ҳаққимиз йўқ эди. Шу сабабли ҳар икки жамоа майдонда борини бериб ҳаракат қилди.

Биринчи бўлимда бир оз ташаббусга эга бўлиб тургандик. Иккинчи бўлимда ҳар икки жамоа гол уриш учун ўйнади. Шуни ҳисобига ҳар икки жамоада очиқ худудлар ва голли вазиятларга юзага кела бошлади. Бу каби ўйинларда имкониятдан фойдаланган жамоа ютиб кетади. Омад бизга кулиб боқди. Эҳтиёткорликни йўқотишга ҳаққимиз йўқ, сўнги дақиқаларда рақиб ҳисобни тенглаштириб қўйиши мумкин эди.

- "Сурхон" ҳужумкор руҳда ўйнаётган бўлса голлар сони кам. Бу борада иш олиб борилаяптими?
- Алоҳида ҳар бир холат бўйича ишлаймиз. Машғулотларда гол киритиш бўйича турли услубларни синовдан ўтказамиз. Ўйинга чиққан футболчи руҳий жиҳатдан тайёр бўлиши керак. Машғулотда 5 та вазиятдан 5 та гол урса, ўйинда ура олмаяпти. Таркибимизда Суперлига тажрибасига эга футболчилар кам. Лекин қувонтирган жиҳати ҳар бир майдонга чиққан футболчи борини бериб ҳаракат қилаяпти. Кейинги ўйинларда ҳам мақсадимиз йўлида ҳаракат қиламиз.