Баҳром Ҳайдаров: "Пахтакор" хатоларни кечирмайди"
01 apr 2018 08:23
News

Баҳром Ҳайдаров: "Пахтакор" хатоларни кечирмайди"

"Пахтакор" - "Нефтчи" (3:0) учрашувидан сўнг меҳмонлар бош мураббийи вазифасини бажарувчи Баҳром Ҳайдаров ва Аббос Махсталиев матбуот анжумнида иштирок этишди.

Баҳром Ҳайдаров: "Ўйинни яхши бошладик. Учрашувга тайёрлаб қўйган ўз режамиз бор эди. Имкониятлардан фойдалана олмадик. Биринчи тайм охирида гол ўтказганимиз режаларимизни бузиб юборди. Иккинчи бўлим бошида ҳам гол ўтказдик. Ҳисоб 0:0 бўлиб турган пайтда имкониятлардан фойдаланганимизда ўйин бошқача бўларди. "Пахтакор"дек жамоалар эса бундай хатоларни кечирмайди. Учинчи голда қарши ҳужумда рақиб бизни жазолаб кетди.

4та турда гол ура олмадик, бизга балки шижоат, балки маҳорат етишмаётгандир".

Аббос Махсталиев: "Биринчи тайм охири ва иккинчи тайм бошида гол ўтказганимиз режаларимизни ўзгартириб юборди. "Пахтакор"ни ғалаба билан табриклайман".